اشترك ليصلك كل جديد
خليك دايماً متابع أحدث نصايح الستايل والمنتجات الجديدة.
الأسئلة الشائعة
سولانج (Solang) براند مصري لهدوم الأطفال من 6 شهور لحد 16 سنة، بنصنّعها في مصنعنا في مدينة العاشر من رمضان وبنبيعها على solangshop.com وفي فروعنا. هنا هتلاقي إجابات الأسئلة الشائعة عن التوصيل والدفع والاستبدال والمقاسات، ولو سؤالك مش هنا ابعتلنا رسالة على صفحتنا على فيسبوك أو إنستجرام.
الطلب بيوصل في قد إيه، وبتوصّلوا لأنهي محافظات؟
التوصيل بياخد من يومين لـ5 أيام من تأكيد الطلب، وبنوصّل لكل محافظات مصر. الشحن جوه مصر بس.
مصاريف الشحن كام؟
مصاريف الشحن حسب المحافظة. 100 جنيه للقاهرة والجيزة و6 أكتوبر وحلوان والإسكندرية والبحيرة وكفر الشيخ والغربية والمنوفية والقليوبية والدقهلية ودمياط والشرقية وبورسعيد والإسماعيلية والسويس، و110 جنيه لبني سويف والفيوم والمنيا، و120 جنيه لمطروح وقنا وسوهاج، و140 جنيه لأسيوط والأقصر وأسوان والوادي الجديد والبحر الأحمر وشمال وجنوب سيناء. المبلغ بالضبط بيظهرلك في صفحة الدفع قبل ما تأكّد طلبك، والتفاصيل في سياسة الشحن والتوصيل.
إزاي أدفع؟
تقدر تدفع كاش للمندوب عند الاستلام من غير أي رسوم زيادة على الدفع كاش، أو أونلاين بالكارت أو بالتقسيط. ومصاريف الشحن حسب المحافظة بتتضاف في الحالتين.
هعرف إزاي إن طلبي اتأكد؟
طلبك بيتأكد لما توصلك رسالة التأكيد، وممكن نتواصل معاك عشان نتأكد من العنوان أو المقاس. ولو قطعة خلصت من المخزون أو حصل خطأ في السعر بنتواصل معاك، ولو الطلب اتلغى بنرجّعلك مبلغ القطعة اللي دفعته.
عايز أسأل عن طلبي أو أعرف وصل لفين، أعمل إيه؟
لأي سؤال عن طلبك أو عشان تعرف وصل لفين، ابعتلنا رسالة على صفحتنا على فيسبوك أو إنستجرام برقم الطلب.
ينفع أفتح الطرد أو أعاين الهدوم وأقيسها قبل ما أدفع وأستلم؟
بنشحن مع أحسن شركات الشحن، والطرد بيوصلك مقفول زي ما خرج من عندنا، عشان تتأكد إن القطعة وصلتك بحالتها الأصلية من المصنع ومحدش فتحها قبلك. علشان كده بتستلم الطرد وتدفع الأول، وبعدين تفتحه وتقيس براحتك في البيت. ولو في أي مشكلة بعد ما تستلم، عندك 14 يوم تبدّل أو ترجّع: ابعتلنا رسالة على فيسبوك أو إنستجرام برقم طلبك، والتفاصيل في سياسة الاستبدال والاسترجاع.
ينفع أبدّل المقاس أو القطعة؟
أيوه، تقدر تبدّل أي قطعة (ما عدا الشرابات والكولونات) خلال 14 يوم من الاستلام، بشرط تكون ما اتلبستش وما اتغسلتش والتيكت لسه عليها. الخطوة الأولى دايمًا: ابعتلنا رسالة على صفحتنا على فيسبوك أو إنستجرام برقم طلبك والقطعة اللي عايز تبدّلها، واختار اللي يريّحك: الاستبدال في أقرب فرع من فروعنا (بعد ما نبلّغ الفرع) أو مع المندوب، وإحنا بنرتّبه معاك. ومصاريف شحن الاستبدال مع المندوب عليك، إلا لو القطعة فيها عيب صناعة أو وصلتك غلط، ساعتها الشحن كله علينا.
ينفع أرجّع القطعة وآخد فلوسي؟
أيوه، تقدر ترجّع أي قطعة (ما عدا الشرابات والكولونات) خلال 14 يوم من الاستلام، بشرط تكون ما اتلبستش وما اتغسلتش والتيكت لسه عليها. الخطوة الأولى دايمًا: ابعتلنا رسالة على صفحتنا على فيسبوك أو إنستجرام برقم طلبك، واختار اللي يريّحك وإحنا بنرتّبه معاك: لو في الفرع (بعد ما نبلّغه) بتاخد فلوسك كاش في الفرع على طول، ولو مع المندوب المبلغ بيتحوّل على محفظة موبايل (مش إنستاباي) بعد ما القطع توصل لمخازننا وبعد خصم مصاريف الشحن.
لو القطعة فيها عيب أو وصلتلي قطعة غلط، أعمل إيه؟
لو القطعة فيها عيب صناعة أو وصلتك قطعة غلط، بنستبدلها ومصاريف الشحن كلها علينا. ابعتلنا رسالة على صفحتنا على فيسبوك أو إنستجرام برقم طلبك خلال 14 يوم من الاستلام.
هدومكم لسن كام؟
عندنا هدوم من سن 6 شهور لحد 16 سنة، وأصغر مقاس هدوم 6-9 شهور، والشرابات والكولونات بس اللي بتبدأ من 0-6 شهور. أكبر مقاس 16 في بعض الجينز والبناطيل، وأغلب البلوفرات والتيشيرتات والأطقم آخر مقاس فيها 12-13 أو 14. المقاسات المتاحة لكل قطعة مكتوبة في صفحتها.
إزاي أختار المقاس المناسب لطفلي؟
المقاسات عندنا مكتوبة بالسن: بالشهور للبيبي (زي 6-9 و12-18 شهر) وبالسنين للأطفال (زي 4-5 أو 8). وعشان تقارن بمقاسات جسم طفلك، شوف دليل المقاسات. ولو لسه محتار بين مقاسين، ابعتلنا رسالة على فيسبوك أو إنستجرام بسن طفلك.
اللون في الحقيقة زي الصورة؟
بنحاول قد ما نقدر إن الصور تكون مطابقة للمنتج، بس ممكن يكون في فرق بسيط في اللون حسب شاشة موبايلك. ولو اللون مش عاجبك لما توصلك القطعة، تقدر تبدّلها أو ترجّعها خلال 14 يوم: ابعتلنا رسالة على فيسبوك أو إنستجرام برقم طلبك، والتفاصيل في سياسة الاستبدال والاسترجاع.
الهدوم بتتصنع فين، وخامتها إيه؟
بنصنّع هدومنا في مصنع سولانج في مدينة العاشر من رمضان في مصر. والميلتون عندنا ميلتون قطن. ولو مش لاقي نوع الخامة في وصف القطعة، ابعتلنا رسالة على فيسبوك أو إنستجرام ونقولك.
عندكم فروع؟ وألاقي عناوينها فين؟
أيوه، عندنا فروع في محافظات مختلفة. من صفحة فروعنا اختار فرعك، وهتلاقي عنوانه ورقم تليفونه في صفحته. ولو عايز تبدّل أو ترجّع طلب من الموقع في فرع، ابعتلنا رسالة على فيسبوك أو إنستجرام الأول برقم طلبك عشان نبلّغ الفرع، وبعدين روح بالقطعة ورقم الطلب خلال 14 يوم من الاستلام.